Најголемиот дел од јагодите на пазарите се увезуваат од Грција, Турција, Шпанија, па дури и Америка, а иако некои продавачи на пазарот тврдат дека нема многу разлика помеѓу увезените и домашните, сите попрво би ги избрале оние од овоштарник.

Вистинските, квалитетни домашни јагоди се издвојуваат и по интензивниот, препознатлив мирис. Тие никогаш не се во иста форма и големина и не се со ист вкус од сите страни, бидејќи сончевите здраци не продираат рамномерно на овошјето.

Експертите велат дека треба да обрнете внимание и на стебленцата – кај увезените јагоди тие се големи, совршено обликувани и темно зелени, додека кај домашните се побледи бидејќи неодамна биле набрани.

Во принцип – јагодите со совршена форма, цврсти и видливо сјајни, воглавно не се со домашно потекло.

Инаку, топла препорака е во овие пролетни денови јагодите да се консумираат секојдневно, бидејќи антиоксидантите со кои изобилува ова овошје, го штити нашиот организам од разни заболувања.

„Јагодите имаат антиинфламаторно дејство и го регулираат нивото на шеќер во крвта. Сепак, возрасно лице не треба да јаде повеќе од 150 грама од ова овошје, за организмот да може лесно да ја свари фруктозата и да ја претвори во чист шеќер. Во текот на денот може да изедете и повеќе такви порции, важно е да ги јадете минимум четири часа после или половина час пред оброк. Јагодите одлично се комбинираат со млечни оброци, но и во салати. Во комбинација со зелена салата, сирење и балсамико, претставуваат одличен оброк кој содржи совршен внес на витамини, влакна и минерали“, нагласува српскиот нутриционист, Бранко Мирковиќ.