Конечно сме во сезона кога можеме да готвиме со свежи состојки. Свеж магдонос, босилек, пиперки… само бирајте. Токму поради тоа, во денешниот рецепт ви нудиме јунешка плешка со свежи зачини во кој ќе уживате и вие и вашите најблиски.
Повелете во Веро каде што можете да најдете јунешка плешка за 389 денари и маслиново масло Олиталија ЕВ 500 мл за 238 денари.
Подготовката прочитајте ја подолу:
Состојки:
– 1 кг јунешка плешка
– маслиново масло
– 4 – 5 чешниња лук
– 1 лажица свеж босилек
– 1 лажица свеж магдонос
– 1 лажица свеж рузмарин
– 1 лажица свежа мајчина душица
– 1 лажица свежо оригано
– 1 лажичка вински оцет
– сол и бибер
Приготвување:
Маринадата за овој рецепт треба да се приготви еден ден порано. Во подлабок сад измешајте ги сите свежи зачини, додајте го ситно истолчениот лук и истолчете ги уште еднаш сите состојки заедно за добро да се соединат. Потоа додајте масло и вински оцет и повторно добро измешајте. Со оваа маринада премачкајте ја јунешката плешка и оставете ја да отстои во фрижидер преку ноќ. Следниот ден, ставете ја плешката на грил тава на средно силен оган и печете ја од двете страни додека да зарумени, но внимавајте да не го препечете месото.
Веро, сѐ на едно место.
