Почитувани следачи на Ценометар.мк
Во вчерашниот ден ни дојде следниов допис- поплака од оштетен граѓанин кој купил Алпско млеко од Кипер маркети со рок на траење 12.08.2022 и истото е расипано, што довело до затрувување и дијареа на лицата кои го конзумирале. Читателот наведува исто така, дека купил 4 паковања млеко и кај сите било истиот проблем, т.е. млекото со овој датум е расипано.
Бидејќи нашата држава е заспана, а институциите како Управа за храна и безбедност на храна и еден куп министерства и подрачни единици не можат да не заштитат, тие се таму само за земање плата, нема друг механизам освен вака, јавно да ги објавуваме овие производи т.е. храна која не труе и да повикаме на бојкот и проверка на оваа храна. Жалното е што храната треба да се проверува при влез во земјава, не кога ќе се отрујат нашите сограѓани.
Во прилог целиот допис:
„ Здраво Ценометар.мк
Сакаме да пријавиме случај, за затровање со млеко, купено во Кипер Охрид, и млекото е во рок, ви пратив слики, ама целото е расипано. Му дадовме на децата, и од сношти имаат дијареа и повраќање, кога го мириснавме подетално млекото, целото смрди. Купив 4 паковања, во сите е расипано. Не знам каде и како да го пријавам ова, зато ви пишав вас, за да го објавите, вас ве следам и гледам дека работите со храна… Поздрав Ацо…“
