Дали и колку станува луксуз да се испие кафе во кафуле или едно семејство да вечера во ресторан? Во наредниот период се очекуваат значителни поскапувања  на менијата  во угостителските објекти.

Доколку во вашето омилено кафуле еспресото го пиевте по цена од 60 или 70 денари, во наредниот период се очекува истото да достигне цена од 80 до 90 денари, а во екот на сезоната во туристичките места, едно еспресо да достигне цена и до 100 денари. Зголемените давачки со кои се соочуваат угостителите ќе придонесат да пораснат цените на одредени угостителски услуги и до 30%.

Кај храната е забележано зголемување за 3,3%, цената на алкохолните пијалоци се зголемила за 2,4%, безалкохолните пијалоци поскапеле за 0,9%, а ноќевањата за 0,3%.

Угостителите бараат да бидат укинати сертификатите за влез во угостителските објекти, бидејќи според нив оваа мерка не придонела за зголемен интерес за вакцинација, а нив им нанела штета со тоа што им го преполовила прометот за дури 50%.

Индексот на цени на угостителските услуги во јануари 2022 година, во однос на истиот месец во 2021 година, е зголемен за 4, 2%.

храна – зголемување за 3,3%

алкохолни пијалоци – зголемување за 2,4%

безалкохолни пијалоци – зголемување за 0,9%

ноќевања – зголемување за 0,3%

Преземено од Тамара Дичоска