Знаеме дека за добрите работи е потребно време – затоа, за да овозможиме долготраен успех и врвен квалитет, постојано и темелно ги следиме процесите на производство на нашите продукти, со цел да го обезбедиме најдобриот краен производ и најниските цени за нашите потрошувачи.
Оваа недела, нашиот референт за набавка – Мелина, беше во посета на МИС ГЛОБУС ДОО, наш добавувач за неколку производи од нашиот приватен бренд Гурмес. МИС ГЛОБУС ДОО како семејна фирма датира уште од 1993 година, а што е од голема важност е тоа дека е изградена, реновирана и одржувана по исклучително европски стандарди.
При посетата Мелина беше во придружба на членови од менаџерскиот тим на компанијата, како и одговорни за контрола на квалитет, меѓу кои Трајче Ризов, Стефче Трајковски, Соња Трајковска и Марија Бугевац.
Чест и задоволство ни претставува соработката со домашен, локален добавувач, со кој што секојдневно овозможуваме исклучително висок квалитет на нашите производи од свинско месо од нашиот приватен бренд Гурмес, меѓу кои – чајна, селски колбас, кулен, хамбуршка сланина цело парче и хамбуршка сланина одрезок.
Преку темелна анализа на пазарот, утврдивме дека МИС ГЛОБУС ДОО потполно ги исполнува нашите очекувања и критериуми, со што заедно успеваме да ја оствариме нашата мисија – да овозможуваме Високо Квалитетни Производи по Загарантирано Ниски Цени.
Постојано се стремиме да одбереме домашни добавувачи, колку и каде што е возможно, со што активно го поддржуваме и влијаеме на развојот на домашната економија и со тоа континуирано го истакнуваме квалитетот на производи и производство во нашата држава.
#Стокомак ви посакува одличен викенд! 
